Гурманите велат дека најдобра е скарата испечена на ќумур од дрва. За време на печењето на скара мора да внимавате месото и рибата да не загорат дури ниту на краевите, бидејќи според лекарите изгореното месо може да делува канцерогено. Доколку се случи краевите на месото да ви загорат, исечете ги.

Месото и рибата ќе бидат повкусни доколку пред печењето отстојат извесно време во маринада – мешавина од зејтин и зачин. Месото за скара не треба пред печењето да се соли, бидејќи солта ја извлекува водата, па ќе истечат драгоцените сокови и печеното месо ќе биде суво и помалку хранливо.  Најдобро е месото да се посоли пред крајот на печењето.

Месото и рибата нема да се лепат за скарата доколку пред секоја нова „партија" скарата се премачка со вински оцет.

Месото, рибата и компирот може да се печат на скара завиткани во алуминијумска фолија, така ќе бидат побрзо готови и посочни. Треба да се стават на сјајната страна на фолијата, краевите да се соберат и свиткаат, а потоа да се стават да се печат на решетката од скарата.

Телешкото, рибата и пилешкото месо се печат на умерено загреана рерна, додека за јунешкото и свинското месо потребна е поголема температура. Помалите парчиња треба брзо да се испечат, додека поголемите и подебелите парчиња мора да се печат подолго, побавно и на пониска температура, за да бидат подеднакво испечени во средината.

Добро е поситното месо и рибата за време на печењето неколку пати да се премачка со зејтин или сланина за да биде повкусно и посочно.

Доколку за време на печењето месото треба од било која причина да се измие, направете го тоа со топла вода, која ќе ги затвори порите и ќе спречи да истече сокот од месото.  Потоа исушете го месото со платнена или хартиена салфета и ставете го на скара.

400 гр. говедско месо, 200 гр. свинско месо, 120 гр. ситно исечени лути пиперчиња, 12 гр.  сол,  80 гр. ситно исечен кромид, 10 гр.толчен лук, 40 гр. зејтин.

Сè добро се замесува за да се соедини смесата, се прават плескавици и се печат на скара.

Крањскиот колбас се пече на слаб жар на ќумур од дрва. Доколку се пече цел не е потребно да се засекува бидејќи е многу масен, па поради  тоа треба бавно да се пече.

1 килограм црвени пиперки (може и од фрижидер за длабоко замрзнување), 1 дец. зејтин,  2 дец. кисело млеко, 2 чешниња лук и  1 китка магдонос.

Пиперките да се измијат, исушат и испечат на скара. Се ставаат во подлабока чинија и кога ќе се изладат се чистат од лушпата. Во огноотпорна чинија се редат пиперките, се солат и посипуваат со зејтин. Киселото млеко добро се мати, се додава исечениот лук и магдонос.  Со ова се преливаат пиперките. Се остава да отстои во фрижидер извесно време и се служи со месото подготвено на скара.

Бифтекот се сече на парчиња и веднаш откако ќе се посоли се става на скарата, која претходно мора да биде премачкана со зејтин или сланина. Се пече 4-6 минути. Исецканиот сув врат се динста со кромид и лук со малку вино и бибер. Сето тоа се става врз бифтекот со малку рендано сирење.

600 гр. месо од говедски врат, 12 гр. сол, 20 гр.зелени пиперки, 40 гр.зејтин. 10 гр. лук. 80 гр. сецкан кромид, 2 гр. бибер.  Се добро се замесува за да се соедини смесата, се прават плескавици и се печат на скара.

Се служи на подлога од ситно исечен лук. Како декорација се употребува салата, магдонос, зелена пиперка и парче домат.

Под ражнич се подразбира парчиња месо печени на стапче (ражен". Но ражничите можат да се прават и од други намирници, како што се разни врсти печурки, овошје, полжави... За ражничите од месо се употребува месо од бут или плешка. Најчесто се печат од свинско месо, но може да се печат и од телешко и говедско месо. Ако се печат од говедско, месото пред да се стави на раженот се остава да отстои во зејтин најмалку 20 минути.

За подготовка на ражничи од сите видови месо постапката е следна: месото се сече на мали парчиња со големина на орев, се посолува па се става да отстои во чинија десеттина минути. Кога месото треба да се стави на скарата треба да се наредат парчињата месо на дрвен или метален ражен и да се печат на добро загреана  и со зејтин премачкана скара. За време на печењто ражничите се превртуваат за подеднакво да се испечат од двете страни. На ќумур за добро печен ражниќ потребни се 8-12 минути. Откако ќе се испечат се ставаат во чинија и се посипуваат со бибер.  Со ражничот вообичаено се служи ситно сецкан кромид.

1 кг. месо од јагнешка плешка (доволно за 4-6 лица), 1 главичка кромид, 2 зелени пиперки, 250 гр. печурки, 1 ананас, сол, бибер, лажица зејтин.

Јагнешкото се сече на коцки со големина од 3 см. Месото се става во чинија, се посолува, се става бибер, а по желба се прелива со зејтин. Се добро се меша и се остава да отстои 2 часа. Потоа месото се реди на ражен и се пече од 15 до 20 минути. Во меѓувреме се чистат лукот, печурките, пиперките и ананасот кои се сечат на коцки со големина на месото. Кога месото е полуиспечено се вади од стпчињата, а потоа на стапчињата се реди наизменично полупеченото месо, лукот, пиперката, коцкички од ананас и печурки, па се заедно се пече уште 15 минути, односно се додека месото и останатите намирници не бидат меки.

На поголемо дрвено стапче (ражен) да се наредат наизменично парчињата говедско, телешко, свинско и овчо месо, потоа парче сува сланина и мрсна кобасица, пиперка, лук и домат, да се посоли по желба, да се посоли со црвен пипер и брзо да се испече  на скара.

Да се наредат наизменично на ражен парчиња од џигер, месо од мисирка и сланина. Да се испечат на скара, да се постават на варен ориз и да се прелијат со загреан маслац. Се служатсо чипс или добро испржени компири. Прилог зелена салата.